කොළඹ සුගතදාස ගෘහස්ථ ක්රීඩාංගණයේදී අද ආරම්භ වන ආසියානු නෙට්බෝල් ශූරතාවලියේ ශ්රී ලංකාව හා හොංකොං අතර තරගය පෙරවරු 11.30 ට පැවැත්වේ.
ජනාධිපති ආර්යා ශිරන්ති රාජපක්ෂ මහත්මියගේ ප්රධානත්වයෙන් ආරම්භ වන ආසියානු නෙට්බෝල් ශූරතාවලියට රටවල් 10ක් එක්වෙති. ශ්රී ලංකාව හා හොංකොං අතර තරගයේදී ශ්රී ලංකා ක්රීඩිකාවෝ ඉදිරියෙන් සිටිති.
එහෙත් හොංකොං කණ්ඩායම විදේශීය ක්රීඩිකාවන් කිහිප දෙනෙකු වෘත්තීය මට්ටමෙන් එක්කර ගැනීමට කටයුතු කර ඇති හෙයින් ශ්රී ලංකාවට තර්ජනාත්මක ක්රීඩා විලාශයක් පෙන්නුම් කරනු ඇතැයි පුහුණුකාරිනී හයසින්ත් විජේසිංහ මහත්මිය පැවසුවාය. “අපි මාස දෙකක් ඔස්ට්රේලියාවේ පර්ත් නුවර පුහුණු වුණා. ඒක මේ තරගාවලිය ජය ගැනීමට ප්රධානතම සාධකයක් වේවි” නායිකා ලංකාතිලක පැවසුවාය.
සිංගප්පූරුව - මලයාසියාව
අද පැවැත්වෙන තරග අතුරින් වඩාත් උණුසුම් තරගය වන්නේ සිංගප්පූරුව හා මලයාසියාව අතර තරගයයි. ආසියානු නෙට්බෝල් ශූරතාව දිනා ගැනීමේ බලාපොරොත්තු පළ කරමින් මේ කණ්ඩායම් දෙකම මෙවර ඉදිරිපත් වීම මෙයට හේතු වී තිබේ. මලයාසියාව හා සිංගප්පූරුව මෙයට පෙර ආසියානු නෙට්බෝල් ශූරතාව දිනාගෙන තිබේ.
අද තරග
11.30 ට ශ්රී ලංකාව - හොංකොං
1.15 ට සිංගප්පූරුව - මලයාසියාව
3.00 ට ඉන්දියාව - ජපානය
4.45 ට මාලදිවයින - බෲනායි
හෙට තරග
11.00 ට සිංගප්පූරුව - මාලදිවයින
12.45 ට ශ්රී ලංකාව - ඉන්දියාව
2.30 ට නේපාලය - ජපානය
4.15 ට පාකිස්තානය - බෲනායි
No comments:
Post a Comment